Da Düxer Bock un de Schnied’re von Th. Schuhmacher

Et eß bekannt Üch all geweß, Wo he en Düx de Geißbock es Am Givvel deiht hä klevve, Trotz Sturm un Ungewedder doch Dä Geißbock es geblevve.
Wie mänchen Bleck woht ald geweiht Ihm, wenn’t noh’m Schötzeplatz hingeht, Hä deiht se all erfreue Un jeder wink vergnög ihm zo, Trotz allem Stuppen, Däue.
Wer heimkütt von dem Schötzefeß, Dä weht met eins gefrog geweß:
„Dät’s do nom Bock och loore, Un deiht hä wie die Schnied’re all Noch immer schwerer woge“?
Da ahle Brauch es och futtü, Wie fröh’r geschüch et jitz nit mieh:
Wenn Mondag wor ob Ähde, Die Schnied’re jöckten all noh Düx, Dä Bock gebütz wollt wähde.
Worob et Los gefalle wor, Vörob die große Leider drog, Un ein för ein dat klemme Zu dem Patröner, dä bereit Die Häre vörzunemme !
Dat wohd doch endlich gar zo bunt Dä ärme Bock gebütz wor wund;
Nen Koktor let ziteere
Doröm dä Bockbesitzer flöck, Dat hä „ihn“ sollt kureere.
Met is’rem Huf es hä versinn, Un keine Schnieder mieh bütz ihn, Wer sich nor wollt vermesse, Dä wöht hä vör die Muhl wohl schlonn, Dat nie hä’t dät vergesse.
Un no däm Bock et singk so Ehr‘ Ne kräft’gen Drunk mehr weihen deer, Weil deer et es gelunge, Su huh zu brengen dich en Rof, Dat hück do wehsch besunge.